Silav û rez ji bo tevaya karmendên Kurd1ê û hemû temaşevanan.
Em bi çav û dilekî pir bextewer li xebata we û weşana we a têr û tije ji bo çanda kurdî temaşe dikin. Hêvi dikim her wisa berdewam be. Ez dixwazim bêjim ku fîlma karton a Cedric, gellekî kêfa zarokên me jêre tê. Û daxwaz dikim ku careke din jî hûn filmên Hercule Poirot biweşînin. Ji we re serkeftin.

Silav ji karkerên Kurd1ê û gelê kurd û Kurdistanê.
Ez ê gellek keyfxweş bibim eger hûn konsera Sahe Bedo li ser Kurd1ê pêşkêş bikin.

Silav ji Kurd1 û xebatkarên wê re.
Em ji Kurd1ê pir pir hez dikin, li programên we, fîlman û bernameyên muzikê temaşe dikin. Ez li Kurdistana Bakur li kanala we temaşe dikim. Ez ji we hez dikim. Serkeftin ji we re û ji gelê kurd û Kurdistanê re.
Bijî Serok APO! Bijî MESÛD BARZANÎ! Bijî KURD û KURDİSTAN!

Xebatkarên birêz û hêja yên kanala KURD1ê,

Ez gellek bextewar im ku kanaleke hêja wek Kurd1ê, ku di nav de ji gellek cureyên çand û hunerê û sinemayê, belgefîlm û muzîkê ... ( :) welleh ez bijimêrim wê çaxê ez dibêm wê gellek duvedirêj bibe) hene, di nav kanalên kurdî de bibînim. Bi rastî çaxa ku min bihîst bi arîkariya HOSTAYÊ MEZİN û ez dikarim bêjim qehremanê zarokatiya min ŞIVAN PERWER ( ku ez bi hunera wî û stranên wî mezin bûme ) kanalek vebûye, min kanalên kurd, lê belê kanalên eletewş, ji lîsteya xwe ya kanalan birin.

Di nav bernameyên we de ez herî zede ji bernameya Welatê Me hez dikim. Bi rastî jî gellek xweş û ji dil tê amadekirin û çaxa ez dibînim ku Kurd jî bernameyên wuha xweş çêdikin, ez serbilind dibim. Ez, pêşkêşvanê bernameyê jî, wek mirovekî gellek hêja dibînim.

Lê belê ez bi giştî li ser fîlmên we yên sinemayê disekinim. Bala min zêdetir ew dikşînin ji ber ku ez pirr li fîlman temaşe dikim. We pîroz dikim ji ber ku hûn dublaja fîlmên biyanî bi awayek pisporî dikin. Di nav fîlman de fîlmek heye ku qet nebe belkî min 10-15 caran lê temaşe kiribe, lê ku hebe ez ê careke din jî lê temaşe bikim. Ew jî filma Braveheart (Mêrxas) ya Mel Gibson e. Ji kerema xwe, wê careke din biweşînin, hetta pirr caran biweşînin. Ez hêvîdarim ku hûn ê dilê vî temaşevanê xwe nehêlin û careke din jî biweşînin.

Ji xeynê vê yekê jî, ez dixwazim wek temaşevanekî pêşniyariyekê bikim : Ger hûn filma Hz.Yusuf (Yuzarsif) wergerînin Kurdî û biweşînin, dê gel bêhtir li Kurd 1ê temaşe bike (di meha Remezanê de û her wekî din di rojên din de jî), ji ber ku ol jî di nav kurdan de cihek gellek giring digire û ger bibînin ku kanala Kurd 1ê wê hêla hanê jî ji bîr nake, wê çaxê bi temamî dê bibin temaşevanên Kurd 1ê yên berdewamî, ku hêviya min ew e ku gelê me li Kurd1ê temaşe bike.
Ez ê li benda fîlma Mêrxas (Braveheart) bim.

bi hêviya serkeftina ekîba kanala Kurd1ê, şev baş.

Kanala we pir xweş e, ew li ser satelîta NileSatê jî weşanê dike?

Silav û rêz ji bo hemû xebatkarên Kurd1 TVyê.
Ez pir ji programên we hez dikim û hez ji dersa zimanê kurdî dikim.
Ez bi hêvî me ku hûn konsera hunermend Zoro Seîd Yûsiv biweşînin.
Serkeftin ji bo Kurd1ê.

Silavên min hene bo we, xebatkarên Kurd1ê.

Bernameyên we ji her aliyî ve xelqê kurd dixin nav keyf û xweşiyê de û bernameyên we ne ku xelqê kurd bi cihanê dide naskirin. Ji hemû bernameyan giringtir, bernameya Dîroka Me ye. Îro bi xebata rêberên me dirok ketiye destê me û em vê rêk dibin. Xwastineke min heye ji we: Kesayetiyên di dirokê de ji bona rizgariya gelê kurd têkoşîn kirine û heta hatine şehîdkirin, zêdetir bîra wan bikin.

Yek ji kesayetiyên mezin ku gere bi çavek şiyar û vekirî lê binêrin, Simkoyê Şikak e ku ne xan bû û ne serokeşîr û ne dîtinên egoîst hebûne. Ew mezintirîn rêberê kurd bûye ku sîstemeke bihêz û xurt li himber zorê pêk aniye. Ew nimûneyeke seretayî ye ji rêberatiya kurd re. Bila kesek nebêje ku Kurda di dîrokê de kesekî bi navê rêber çinebûne, Kurda rêberên wek Bedirxan, Simko Şikak, Şêx Mehmud Berzincî û Qazî Mihemed hebûne ku bi serhildanên li himber zordariyê bi her şêweyî karine bo Kurda dewletên serbixwe pêk bînin. Di nav van rêberan de dîroka Simko ye ku bêxwedî maye û her gotineke ku nivîserên li dijî Kurd kitêbên xwe de gotine, îro bo me bûye bûyer; ema ne wisa ye, ev nefamiya nivîseran e ku li dijî rêberên kurd dinivîsin.

Simko artêşên Rizaşah hemû şkandin û her bihost xaka kurda, bi leşkerê xwe, ji bin destê Şahê Îranê derxist. Ew şoreşeke mezin bû ku heta îro jî çi rêberê kurd nekariye şoreşek wek ya Simko bike; bi rastî, ev ne ciyê hindê ye ku em xebatên rêberên kurda ji bîra xwa bibin.

Silav. Dixwazim kanala we serkeftî be û dixwazim bêt ser satelîta Nilsatê da hemû kanalên kurdî li wir yek bigirin.

Kurd1, merhaba ji we re. Me hêvîyeke mezin ji we dikir, lê belê hêvîya me ji we şkest. Hûn pirsgirêkên me, jiyana me Kurda naynin ziman û bernameyên we durî me Kurdên Tirkiyeyê ne. Bernameyên we ji bo Kurdên Ewropayê ne. Hûn hîç kala pirsgirêkên me nakin ji ber ve yeke temaşevanên we pirr kêm in. Dîsa jî serkeftin ji we re.

Silav ji we re gelî xebatkarên Kurd1ê. Daxwazîya min ev e ku hûn bi vê meşa
zimanê resen û xebatkarên jîr ve, fîlmên wespî, bi pelikê balkêş, bernameyên giring ve, gelek caran em spasdarên we ne.
Ji weşangerîya Kurd1ê re serkeftinê dixwazim...

(nîşe: Silav û hirmetan ji kek Şivan Perwer re dişînim...)